Санхүүгийн зохицуулах хорооны 2018 оны 9 дүгээр сарын 27-ны өдрийн 1/3857 тоот албан бичгийн дагуу олон нийтэд шинээр үнэт цаасаа санал болгон арилжаалсан "Ард даатгал” ХК-ийн анхдагч зах зээлийн арилжааг амжилттай болсонд тооцож, тус компанийн үнэт цаасны хоёрдогч зах зээлийн арилжааг 2018 оны 10 дугаар сарын 01-ний өдрөөс эхлүүлэхээр боллоо. 

Тус компани нь нийт хувьцааныхаа 30 хувийг олон нийтэд санал болгож 5.2 тэрбум төгрөгийг олон нийтээс татан төвлөрүүлсэн бөгөөд хувьцааны анхдагч зах зээлийн арилжааны  захиалга  олон нийтэд санал болгосон дүнгээс 32.7 хувиар давж ирсэн юм.

Эх сурвалж: Монголын хөрөнгий бирж