2015 оноос хойш сул зогсолт хийгээд байгаа “Хөх ган” компани 2018 онд  DRI болон агломерат үйлдвэрлэх төлөвлөгөөтэй байгаа талаараа мэдээллээ.  “Хөх ган” компани 2008 онд IPO гаргаж, олон нийтээс 3.2 тэрбум төгрөгийг татан төвлөрүүлж байсан аж. Үүгээр жилд 30 мянган  тонн ангижруулсан төмөр үйлдвэрлэх хүчин чадалтай ангижруулсан төмрийн  үйлдвэр байгуулах төслийг Эрдэнэт хотод хэрэгжүүлсэн  байна. Одоогоор  тус компанийн 52.5 хувийг “Бэрэн” групп, 25.7 хувийг “Би Ди Сек” үнэт  цаасны компани эзэмшиж байгаа ажээ. “Хөх ган” компанийн хувьцаа  эзэмшигчдийн ээлжит хурал энэ сарын 30-нд болох бөгөөд хуралд орох  эрхтэй хувьцаа эзэмшигчдийн бүртгэл  энэ баасан гарагт дуусаж байна. 

Тус  компанийн хувьцааны ханш өнгөрсөн нэг жилийн хугацаанд 67.8 хувиар  өсөж, 100 төгрөгт хүрээд байгаа юм. Ингэснээр зах зээлийн үнэлгээ нь  10.2 тэрбум төгрөгт хүрээд байна.

Эх сурвалж: BloombergTv.mn