“Лэндмн ББСБ” хувьцаат компани 23.9 сая төгрөгийн цэвэр ашигтай  ажилласан байна. Өмнө нь 2016 онд 7.5 сая төгрөгийн алдагдалтай  ажиллаж  байсан юм. Тус компанийн  зээлийн хүүгийн орлого  2017 онд 143 дахин өссөнөөр 961.7 сая төгрөгт хүрчээ. Хөрөнгийн зах зээлийн "отгон тоглогч" болох “Лэндмн ББСБ” компанийн хувьцаа  эзэмшигчдийн ээлжит хурал тавдугаар сарын 10-ны өдөр болох товтой байна. Харин хуралд оролцох эрхтэй хувьцаа эзэмшигчдийг ирэх сарын 11-нээс  өмнө бүртгэх ажээ. Хурлаар компанийн ТУЗ-ийн гишүүдийг сонгож,  санхүүгийн тайлан болон үйл ажиллагааны тайлангаа танилцуулна. Үүнээс гадна “Лэндмн ББСБ” компани өөрийн хувьцааг эргүүлэн худалдаж авахыг  хэлэлцэхээр товлосон байна. 

Тус  компанийн хувьцааны ханш 57.8 төгрөгт хүрч өсөж байсан ч сүүлийн  байдлаар 46 төгрөг боллоо. Олон нийтэд хувьцаагаа арилжиж эхэлснээс хойш  хоёр долоо хоног гаруйн хугацаа өнгөрч байна. Энэ хугацаанд “Лэндмн  ББСБ”-ийн хувьцааны арилжаа нийт 2.1 тэрбум төгрөгөөр хийгджээ.

Эх сурвалж: BloombergTv.mn