2019 онд Төрөөс Мөнгөний бодлогын талаар баримтлах үндсэн чиглэлд финтекийн асуудлыг тусгана гэж Төв банк мэдээллээ. Энэ онд батлагдсан Үндэсний төлбөрийн системийн тухай хуулиар финтек ашиглан төлбөр тооцооны үйл ажиллагаа явуулах компаниудын асуудлыг Төв банк хариуцахаар болсон юм. Финтек нь санхүүгийн салбарт шинээр нэвтэрч байгаа учраас нууцлал, аюулгүй байдал, хуучин эрх зүйн зохицуулалт зэрэг хүндрэлүүд тулгарч байгааг Төв банкны төлбөр тооцооны газар мэдээллээ. Дэлхий дахинд хиймэл оюун ухааны "бот"-ууд, “Peer to peer” зээл, биометрик, блокчэйн технологи, бизнес хоорондын төлбөр тооцоо зэрэг олон хэлбэрээр финтек хөгжиж байна. Үүнээс Монголд "цахим мөнгө", “Q Pay”, бичил зээл шуурхай олгох үйлчилгээ өргөн хүрээнд үйл ажиллагаа явуулж байгааг Төв банк онцолж байгаа юм.

Төв банкны Мөнгөний бодлогын хорооны хуралдаан есдүгээр сарын 20-нд буюу энэ пүрэв гарагт болох товтой байна. Хуралдаанаар Төв банк бодлогын хүүгийн шийдвэрээс гадна Төрөөс 2019 онд баримтлах Мөнгөний бодлогын үндсэн чиглэлийг хэлэлцэнэ.

Эх сурвалж: BloombergTv.mn