МХБ-ийн I болон II ангилалд бүртгэлтэй санхүүгийн салбарын компаниудын борлуулалтын орлого 2021 онд 556.71 тэрбум төгрөг болсон нь өмнөх оны мөн үеэс 6.9 хувийн өсөлттэй үзүүлэлт болсон байна. 2020 онд санхүүгийн салбар нь 80.96 тэрбум төгрөгийн алдагдалтай ажиллаад байсан бол 2021 онд мөн 90.37 тэрбум төгрөгийн алдагдалтай ажиллажээ. Санхүүгийн салбар сүүлийн 2 жил алдагдалтай ажиллахад Засгийн газрын Ковид-19 тахлын эсрэг ипотекийн зээлийн төлөлт хойшлуулах шийдвэр гаргасантай шууд холбоотой байлаа. Тодруулбал "МИК" ХК /MSE:MIK/-ийн зээлийн эргэн төлөлт хойшлогдож, 2 жил дараалан алдагдалтай ажилласан нь санхүүгийн салбарын ашигт ажиллагаа сөрөг гарахад гол нөлөөллийг үзүүлсэн байна.

Доорх зургуудад МХБ-ийн I болон II ангилалд бүртгэлтэй санхүүгийн салбарын компаниудын борлуулалтын орлого, цэвэр ашиг, нийт хөрөнгө болон нийт эздийн өмчийн өөрчлөлтийг сүүлийн 3-н жилээр дүрсэлж, 2020 оноос 2021 оны өөрчлөлтийн хувь хэмжээг тооцоолон харуулав.