Япон, БНСУ-ын металлургийн нүүрсний эрэлт тогтвортой байх боловч хөгжиж байгаа зах зээлүүдийн эрэлт нэмэгдэх төлөвтэй байна гэж “Aspire Mining” компани таамаглаж байна. Мөн нүүрсний ханш өссөн нь нэгдэн, нийлэх хэлцлийн үйл явцад дэмжлэг болсон гэж тус компанийн удирдлагууд үзжээ. Австралийн Хөрөнгийн биржид бүртгэлтэй “Aspire Mining” компани Овоотын нүүрсний төслийн эхний шатны хөгжүүлэлтийн Техник эдийн засгийн үндэслэлийг 2019 оны эхний хагаст танилцуулагдах товтой байна. Хэрэв холбогдох зөвшөөрлүүд гарвал эхний шатны хөгжүүлэлтийг 12-15 сарын хугацаанд дуусгах боломжтой гэж тус компани тооцоолж байна.

Сүүлийн арилжаагаар “Aspire Mining”-ийн хувьцааны ханш Австралийн Хөрөнгийн биржид 4.76 хувиар унаж, 0.02 австрали долларт хүрч хаагдсан байна.

Эх сурвалж: BloombergTv.mn