Монголын Хөрөнгийн биржид бүртгэлтэй дотоодын үйлдвэрлэгч “Сүү” ХК-ийн борлуулалтын орлого энэ оны эхний хагас жилд өмнөх оны мөн үеэс 45.8 хувиар өсжээ. “Сүү” ХК 2017 онд “Сүү” бонд гарган олон нийтээс зургаан тэрбум төгрөгийг татан төвлөрүүлсэн  бөгөөд энэ оны зургаадугаар сард бонд болон хүүг эргэн төлж нийт долоон тэрбум төгрөгийг хувьцаа эзэмшигчдийнхээ дансанд байршуулсан юм. Тус компани цаашид нэмэлт хувьцаа гаргах сонирхолтой байгаа талаар өмнө нь мэдээлж байв. Монголын Хөрөнгийн биржийн I ангилалд бүртгэлтэй, “ТОП-20" индексийн сагсанд багтдаг “Сүү” ХК-ийн хувьцааны ханш он гарснаас хойш 20 хувиар унаж, 209 төгрөг болоод байна.

Эх сурвалж: BloombergTv.mn