2019 онд үнэт цаасаа олон нийтэд нээлттэй санал болгон гаргасан "Түмэн Шувуут" ХК нь үнэт цаасны танилцуулганд тусгасан 4 төрлийн томоохон ажлын нэг болох цэвэр байгалийн 100% компост бордооны үйлдвэрийг нээж, ашиглалтанд оруулсан байна. 

Энэхүү үйлдвэр нь тахианы сангасыг дэвшилтэт технологиор боловсруулж, Монгол орны байгаль цаг уур, хөрсний онцлогт нийцсэн органик бордоо үйлдвэрлэх бөгөөд ийнхүү ногоон байгууламж, газар тариалан эрхлэгчдэд чухал хэрэгцээтэй бүтээгдэхүүн үйлдвэрлэж байгаа нь хөдөө аж ахуйн салбарын хөгжилд үнэтэй хувь нэмэр оруулна гэж салбарын сайд онцолсон байна. 

Үйлдвэрийн нээлтийг тохиолдуулан "Түмэн Шувуут" ХК-ийн хамт олон Нийслэлийн ногоон байгууламжид хувь нэмрээ оруулж, Нийслэлийн хот тохижилтын газарт 5 тонн “100%” Компост бордооны дээжийг хандивласан байна.

МОНГОЛЫН ХӨРӨНГИЙН БИРЖ