Монголын хөрөнгийн биржийн 3-р ангилалд бүртгэлтэй "Эрдэнэ Ресурс Девелопмент Корпорэйшн"  (TSX:ERD | MSE:ERDN) нь санхүү, үйл ажиллагааны 3-р улирлын тайлангаа компанийн цахим хуудас болон Канад улсын цахим тайлан мэдээний SEDAR системд нийтэлсэн байна.

Тайлант хугацаанд тус компани нь дараах гол үр дүнд хүрсэн байна. Үүнд: 

• Хѳндий алтны тѳслийн анхан шатны эдийн засгийн тооцооллыг эхлүүлсэн;
• Хѳндий алтны тѳслийн NI 43-101 стандартын эрдсийн нѳѳцийн тайланг тайлагнаж, бүртгүүлсэн; 
• Баян Хѳндий болон Алтан Нарын орд газарт ашиглалтын тусгай зѳвшѳѳрөл авахаар өргөдөл гаргахад бэлтгэж, холбогдох техникийн судалгаануудыг эхлүүлсэн; 
• Баян Хѳндий тусгай зѳвшѳѳрлийн талбайд орших Алтан Сум, Хойд Хѳндий талбайд 7 хэтийн тѳлѳвт бүсийг шалгах 3,452 метрийн 25 ѳрмийн судалгааг хийсэн; 
• Монгол улсын Уул Уурхай, Хүнд Үйлдвэрийн Яамнаас сүүлийн 10 жилийн хугацаанд анх удаа зарласан тусгай зѳвшѳѳрөл олгох сонгон шалгаруулалтад 11 сарын 14-нд оролцохоор хүсэлт гаргаж, бүртгүүлсэн; 
• Компанийн хайгуулын зардал 2017 оны мѳн үеэс 42%-иар, захиргаа, удирдлагын зардал 17%-иар, цэвэр алдагдал  14.7 хувиар тус тус буурсан. 

Тайлангийн Монгол хэл дээрх дэлгэрэнгүйг эндээс үзнэ үү.

Эх сурвалж: Монголын хөрөнгийн бирж