“Оюу Толгой”-ийн гүний уурхайн олборлолтыг эхэлсний дараа зэсийн  баяжмалыг Япон, БНСУ-д экспортлох боломжийг эрэлхийлж, төлөвлөж байгаа  гэдгийг “Rio Tinto” группийн жил тутмын уулзалтын үеэр дурдсан байна. “Оюу Толгой”-ийн хөрөнгө оруулалттай холбоотой бүх гэрээний үндсэн  зарчмуудын хэрэгжилттэй холбоотойгоор Монгол Улсын  Парламентаас байгуулсан ажлын хэсэгтэй яриа хэлэлцээ хийнэ гэж харж  байгаа талаар “Rio Tinto”-ийн Гүйцэтгэх захирал Жан-Себастьян Жак  онцолжээ. Мөн тэрбээр “Оюу Толгой”-ийн хөрөнгө оруулалтын хамрах хүрээ  нь оролцогч талууд болох Монгол Улс болон хувь нийлүүлэгчдэд аль алинд  нь эн тэнцүү, шударга байдлаар байгуулагдсан гэдэгт итгэж байгаагаа  илэрхийллээ.

Эргэн сануулахад, УИХ-ын даргын захирамжаар  байгуулагдсан ажлын хэсэг “Оюу Толгой”-ийн хөрөнгө оруулалтын гэрээний  хэрэгжилтийг шалгаж, хоёр сарын дотор дүгнэлтээ гаргах товтой байгаа юм.  Харин олон улсын тухайд АНУ ОХУ-ын эсрэг хориг тавьсантай холбоотойгоор  ОХУ-ын “Rusal” компанитай Квинслэнд мужид хамтран хэрэгжүүлэх төслөө  эргэн харна гэж мэдэгдсэн байна.

Эх сурвалж: BloombergTv.mn